मङ्गल बहुमुखी क्याम्पसको १७ औं वार्षिकोत्सवको उपलक्ष्यमा सञ्चालित १५औं मङ्गल स्पोर्ट्स फेष्टा २०८० को दोश्रो दिन पुरुष तर्फको भलिबल खेल सञ्चालन भएको छ । दोश्रो दिन भएको भएको भलिबल खेलमा मंगल एभन्जर्स र मंगल ठण्डर्सका बीच भएको पहिलो सेमीफाइनल खेलमा २५-१३, २१-२५ र १५-७ अंकले पराजित गर्दै मंगल एभेन्जर्स फाइनल पुग्न सफल भयो । दोश्रो सेमीफाइनल खेलमा मंगल वारियर्सले मंगल टाइगर्सलाई हराउँदै फाइनलमा आफ्नो सिट सुरक्षित गरेको थियो । सोही दिन भएको फाइनल खेलमा अति प्रतिस्पधात्मक खेलमा पहिलो सेट मंगल वारियर्सले २५-१९ अंकका साथ आफ्नो पक्षमा पारेको थियो । दोश्रो सेटमा भने मंगल एभेन्जर्सले कमब्याक हुँदै मंगल वारियर्सलाई २५-२० ले हराउँदै बराबर गरेका थिए । अन्तिम सेटमा भने मंगल वारियर्सले पूनः आफ्नो खेलमा सुधार गर्दै मंगल एभेन्जर्सलाई १५-७ ले हराउँदै फाइनल जित्न सफल भए । फाइनल खेलमा मंगल वारियर्सका ललित जोशीले उत्कृष्ट खेल प्रदर्शन गरेका थिए ।
